رسالة الى #العهد_القوي

رسالة الى #العهد_القوي
ما بقى في لزوم نتخبى ورا إصبعنا و نستحي و نقول انو سبب مصائبنا من ١٩٨٨ الى اليوم هي العهد القوي… ما بقى نستحي او نخاف نقول على العلن
اليوم، العتمة و المصايب اللي عايشين فيها هي سببها العهد القوي… و لك ايه ما تستحوا و تقولها و خاصةً العهد القوي مدعوم من أقوى ترسانة سلاح يلي هو شخصياً بالسعودية شرع سلاح ميليشيا وإلا كيف كان رح بحقق حلمه من سنة ١٩٨٨ برأسة الجمهورية و لو على حساب البلد و شعبه كلو…
بكفي نتخبى و نخاف نقول الحقيقة متل ما هي… انا عشت كتير عهود في حياتي و حتى خلال اسوء الحروب اللي عشناها كان في مصاري و اكل هوى بس ما كان في زبالة و حتى الكهرباء ما كانت تنقطع اكتر من ٦ ساعات!!! و لك تفه على هيك عهد كله اذلال يلي عم يخلي حديثنا الوحيد الكهرباء و الزبالة و البطالة وبنك الإسكان او بنك الاذلال بالوقت يلي اقل واجباتكم كمسؤولين و موظفين لدى الشعب اللي عم تقبضوا معاشاتكم من دمنا و عرق جبيننا انو تأمنوا الماء و الكهرباء و تفرزوا الزبالة و تحافظوا على نظافة البلد بيئياً و اقتصادياً… كونوا أكيدين مش بس اللبنانيين يلي عايشين عم يدعو عليكم كل يوم حتى يلي تحت التراب…