شفنا تغريدات لسياسيين واعلاميين وفنانين عن شهدا حزب الله وانتصارات حزب الله والجيش اللبناني بجرود عرسال

شفنا تغريدات لسياسيين واعلاميين وفنانين عن شهدا حزب الله وانتصارات حزب الله والجيش اللبناني بجرود عرسال. للوهلة الاولي بيفكر القارئ انو الحساب مهكر او فوتوشوب لحد ما بفوت عل الحساب ويقرا، لانها لشخصيات بتختلف مع حزب الله بالسياسة والعقيدة، وخصوصي تدخل حزب الله بسوريا، شخصيات كانت وبعدها محسوبة على 14 اذار. شخصيات كانت بتفضل ما تحكي بالسياسة وتجيب سيرة حزب الله كرمال عندها شغل بالخليج او لانها من الوسط الفني بتفضل ما تبين منحازة لطرف معين. وكتير منهم انتقدوا حقارة قوى 14 اذار بالتعاطي مع موضوع شهدا حزب الله. اليوم اول يوم بيبين هلقد في اجماع على كلمة “مقاومة” و “شهدا حزب الله”. حتى ال LBC كتبت مقدمة اخبار احلى من مقدمة المنار بحق المقاومة. ما حدا طلب من هالشخصيات تغرد عن شهدا حزب الله، كان فيهم يكتفوا بتغريدة دعم للجيش. اليوم بين قديش في ناس اصيلة، قد ما اختلفت معك بالسياسة ونقرت على حزب الله بكتير قضايا. الناس الاصيلة بتعرف العدو من الصديق، بتعرف تميز بين المسلم والتكفيري، وبتعرف الفرق بين المقاومة والارهاب.
مش رح نذكر اسماء كرمال ما ننسى حدا. هول الاشخاص ولاد اصل.
مقاومة حزب الله، باقية تدافع عن هالوطن، عن ابن الاصل والبلا اصل.
“اسامة نور الدين”