Jean Pierre Hakim, Media Advisor Lebanon, Web Solution leaders Lebanon, mobile solutions provider Lebanon, SEO freak Lebanon, Social media solutions Lebanon, Mobile app solutions Lebanon

بيخبّرو عن تنَين أصدقاء قرّرو يعملو رحلة لإكتشاف غابات أفريقيا. خلال الطريق واحد عم بيخبّر التاني عن بطولاتو وعن إنجازاتو وقدّيش هوّي شجاع، وبلحظة بتتوقف سيارتُن وبيضطرّو يكمّلو الرحلة مَشي على الأقدام. بيسمعو صوت غريب بيكتشفو إنّو صوت الأسد ملك الغابة، البطل والشجاع بيركض بيركب بالسيارة وبيهرُب، والتاني بيلاقي حالو قدّام الأسد يلّي بيقرّب منّو وبيوَشوشو. أكيد إنتو حابّين تعرفو شو قلّو الأسد: «من حيث المبدأ أنا كان لازم آكلك بس بدّي إنصحك نصيحة، لـمّا بدّك تقوم برحلة لأيّ محلّ لازم تعرف تختار أصدقاءك». الزوّادة بتقلّي وبتقلّك ما تصدّق كلّ يلّي بينقال لإلك، ما تصدّق كلّ يلّي بتشوفو أو بتسمعو، لازم تعرف تختار أصدقاءك يلّي ما بيتركوك بنِصّ الطريق وبوَسَط المخاطر، والله معك.