هي المرأة لي بالصورة عمرها 70 سنة يعني متل امي وامك ومتل ستك هي الحاجة محبوسة بمخفر الدوير من ٤ ايام بسبب اوضه صغيره عمرتها على سطح بيتها حتى تضب ولادها ال شو القوضه مخالفة منها قانونية ع سطح بيتا . هيدي المرأة الختيارا مصابة بالسرطان وبتخضع لعلاج وسعادة القاضية الموقرة والفهماني غادة ابو كروم رافضة اخلاء سبيلا !!!
هي المرأة لو بتعرف شي نائب أو مسؤول ما كان حدا استرجى قرب صوبها هي المرأة لو دفعت لرئيس المخفر أو الدورية شي 300 دولار ما كان حدا سمع بقصتها بس لأنها فقيرة ومعترا هيتو لنطبق القانون عليها !!!!
بلبنان ممنوع تعمل خيمة ع سطح بيتك بس فيك تردم شط البحر وتعمّر عليه اوتيل.
فيك تقرط قد ما بدك من أرض المشاع وتعمر بيت ما حدا بيطلع فيك لأنك مدعوم من حزبك
فيك تعمّر مستشفى بنص دين حرش بيروت لانو بيئة المدينة مش مهمة .
فيك تعمل مرامل وتلوث نهر بحالو وتقطع أرزاق الناس بس ممنوع تعمل خيمة على سطح بيتك .
فيك تشيل جبال بحالا كرمال الكسّارات
فيك تاكل اوتوسترادات بس ما فيك تعمل غرفه على سطح بيتك ..هذا جزاء صمودكِ أيتها الجنوبية هذا جزاء من قاوم دبابة بني صهيون هذا جزاء من قدّم شهيد تلو الشهيد ليبقى علم لبنان مرفوعاً هنيئاً لكم يا نواب : “منرفض نحن نموت !!!
Rim Makouk
