شو منعرف عن الإبادة السريانية “سيفو عام 1915” *بمن فيهم الموارنة* ؟؟؟

شو منعرف عن الإبادة السريانية “سيفو عام 1915” *بمن فيهم الموارنة* ؟؟؟
حدا منكن سمع بمقتل ودبح وطرد مليون سرياني من المنطقة السورية يللي انضمت بتآمر شيطاني للدولة العثمانية يعني تركيا اليوم متل لواء الإسكندرون ومرسين وطرسوس وقيليقية وأضنة وعنتاب وكلس ومرعش واورفة وحران وديار بكر وماردين ونصيبين وجزيرة ابن عمر،….؟؟؟
إنتو سمعتوا بقصة تجويع ربع مليون سرياني ماروني بجبل لبنان عبر الحصار أو القتل المباشر حتى الموت؟؟؟
إنتو سمعتوا بالقوافل البشرية السريانية يللي كانت تساق للدبح بحقول الجزيرة السورية؟؟؟؟
إنتو سمعتوا بطرد وقتل نصف مليون سرياني من جبال هكاري وطورعبدين يللي صارت من بعد هالمجزرة مناطق كردية محط من بعد سيفو؟؟؟؟
إذا ما بتعرفوا عرفوا من بعد ما كنا بالشرق عددنا بيوصل بالملايين صرنا بالآلاف لأنو الإضطهاد بعدو مستمر من مجازر المماليك ع جبل لبنان من جبّة بشري وكسروان العاصية لجبل المنيطرة ودير القمر والقبيات، ما رح ننسى مجازر الجبل بال ١٨٦٠م ولا الحصار العثماني ١٩١٤م وبالحصار العثماني ع جبل لبنان اللي سبب مجاعة وكانت نتيجتو ميتين ألف شهيد كما انو ما فينا ننسا مجازر العرب وع رأسن مجازر صلاح الدين الأيوبي وخالد بن الوليد ونور الدين الزنكي بحق شعبنا السرياني بأرض الهلال الخصيب يللي صاروا بسحر ساحر أبطال بكتب التاريخ يللي المفروض تكتب عن تاريخنا نحنا أبناء الشرق الحقيقيين… شهداءنا ما بدن ذكرى ولا بكي ودموع، بدن وفا ومقاومة بأرض الشهدا مش بالتهويل من بعيد لبعيد بهالأراضي البعيدة كرمال ما يروح استشهادن ع الفاضي وما يصير وجودنا مجرد ذكرى…..
*#ومنبقى* *#شهود_حتى_الشهادة* *#فيلق_جبل_لبنان*