حزب الله متمسك ومُصرّ على النسبية بلبنان دائرة واحدة لعدة اسباب :
-عندو طغيان عددي بين الطوائف ال18 بدوّ يترجمو.
-بدّو يضرب المناصفة ويروح على نظام اكثري مقنع بدل نظام توافقي ميثاقي (مشكلتنا مع التوافقي مع صيغته الحالية المركزية ومش مع فلسلفته بحد ذاتها لي هيّ ضرورة جداً لتركبية لبنان)
– بيعرف انو الغالبية بالطائفة الشيعية معو وبيعرف كمان كيف زارع بالطوائف التانية زُمّر بتأيده وعطيها وكالة “سرايا مقاومة” ومغطيها بالسياسية والامن وداعمها بالسلاح.
– كرمال يصوّر للبعض انو علماني وبعيد عن الانتماء الطائفي وانو هو متطور وحضاري وراكض ورا الحداثة، بس عملياً هيك طرح بهيك تركيبة لبنان قائمة على التوازن والمناصفة مهما كان العدد، حزب الله عم يغش الرأي العام غير الواعي كرمال ينتزع بنعومة اكثرية نيابية حاملة مشروع الدويلة وولاية الفقيه ومشروع الدولة الاسلامية على طريقة ايران.
*لحزب الله وللكل بحب قول : النسبية داخل كل طائفة من طوائفنا ال18 على حدا، هو الحل الوحيد فقط لا غير. ان كانت هيدي الطائفة 25000 او 250 الف شخص، بيكون تأثير اصواتها على ذاتها فقط لا غير وبيكون في تعددية سياسية بكل طائفة والكل بيتمثل تمثيل صحيح ودقيق.
Toni Hadchiti
Leave a reply
