بترجع الكرامة بس تعرف انك بتستحق أفضل من هيك يا لبناني/ة
قانون لحقوق المرأة ما في. بس في وزارة للمرأة على رأسها رجل!!
سكة حديد ما في. بس موظفين ومدير عام سكك حديد في!!
نظام سير ما في. بس ضبوطا في.
قانون حماية المستأجرين ما في.
طبابة مجانية وتعليم مجاني ونظام شيخوخة ما في.
كهربا ما في وماي ما في. بس فاتورة مدوبلة وهدر وسرقة في.
مكافحة الفساد ما في. بس وزير لمكافحة الفساد في !!
وزارة للتخطيط ما في. بس وزارات دولة في، وعقفى مين يشيل.
سلسلة ما في. بس إقرار قانون زيادة مخصصات السياسين في!!
وفوق هيدا كلو في ضرائب على هالشعب المعتر ..
في ضرائب على الشعب الفقير والسلسلة المحقة رح يدفعا الشعب اللبناني بكامل أطيافو وطبقاتو، أما التهرب الضريبي فمن الفاسدين من أعلى الهرم حتى اسفلو..
مين مش نازل الأحد ؟
الأحد 19/3/2017 الساعة 12 ممكن نكون قدام فرصة جديدة وبنفس الوقت “تحدي” جديد؛ ويعني الفشل هو كمان خطر جديد، بس ما بقى في أخطر من هالواقع #تحدى_الظلم ، #الاحد_عالشارع
#مستمرون
#انا_نازل
