رسالة مفتوحة الى الحكومة الحالية الغير شرعية و خاصة الى اصحاب الشعارات #اقوالنا_افعال و #صار_بدا_دولي_مش_دويلة و #الخرزة_الزرقة …

رسالة مفتوحة الى الحكومة الحالية الغير شرعية و خاصة الى اصحاب الشعارات #اقوالنا_افعال و #صار_بدا_دولي_مش_دويلة و #الخرزة_الزرقة …
السلطة ومسؤوليتها لا تتجزأ… النفايات مش فشل؟ الضرائب مش فشل؟ التمديد ثلاث مرات مش فشل؟ خرق الدستور مش فشل. الكهرباء مش فشل؟ كمية البطالة بلبنان مش فشل؟ عدم قدرت الشباب اللبناني تأمين سكن لائق بسبب نهبكم للبلد مش فشل؟ مين بيتحمل مسؤولية كل هالفشل؟
ال ٢٧ مليار دولار دين عام بالزائد من ٢٠٠٩ لل ٢٠١٧ مش فشل؟ وين المشاريع يلي انجزت من قبل حكومتكم بهال ٢٧ مليار ؟
مشهد النفايات و”نهر النفايات” كان نتيجة فشلكم. نقل هالحقيقة البشعة هو شغلة الاعلام والاعلاميين وهيدا يلي صار. الحل هو حل المشكلة من الأساس مش رفض نقل هالواقع بالاعلام الدولي.
Lucien Abou Rjeily
Edited by Jean-Pierre Hakim